“Borgjezia e Akademisë” në Kosovë: profesorët deri 3500 euro në muaj, studentët “mbijetojnë” me 150 sosh

Organizata për Rritjen e Cilësisë në Arsim (ORCA), e cila është hulumton dhe raporton për sferën e arsimit, ka publikuar një raport që e ka quajtur “Borgjezia e Akademisë”, ku bëhen të ditura pagat e stafit akademik e menaxherial në universitetet publike të Kosovës.

Ron Gjinovci nga ORCA, tha se profesorët në Kosovë janë më të paguarit në rajon, ku pagesa mujore arrijnë deri në 3 mijë e 500 euro.

“Stafi akademik i Universiteteve Publike në Kosovë paguhet shumë herë më shumë se stafi akademik i Universitete Publike në vendet e rajonit. Në Shqipëri, një mësimdhënës paguhet rreth 600 euro. Në Maqedoni Veriore, rreth 400 euro, ndërsa në Kosovë rreth 600. Por në universitet, profesori i rregullt arrin në 3 mijë e 500 euro”, thote Gjinovci.

Organizata ka krahasuar shpenzimet që kanë studentët me pagat që marrin profesorët universitar dhe stafi menaxherial i universiteteve.

Sipas mesatares, studentët harxhojnë nga 150 euro në muaj për të studiuar dhe jetuar, ndërsa rektorët e UP-së kanë pagë 2500 euro në muaj, që është e barabartë me pagën e presidentit. /tesheshi.com/