Ministrja teknike e Arsimit, Mirela Karabina, ka nisur proçesin e zëvendësimit të anëtarëve të Bordeve në Universitete. Më parë u lajmërua zëvendësimi i 4 anëtarëve të bordit të Universitetit të Mjekësisë, ndërkohë që ndryshime ka pasur edhe në institucionet e tjera të arsimit të lartë, përfshi këtu edhe atë në Durrës.
Burimet shprehen se tre anëtarë të bordit të administrimit në Universitetin e Tiranës, që kërkohen të zëvendësohen nga ministrja teknike janë Arbian Maznikun, Arjan Xhelaj dhe Erzen Tola, të cilët janë zgjedhur nga Lindita Nikolla, në kohën kur drejtonte Ministrinë e Arsimit.
Ndërkohë, mësohet se emrat e rinj që do të jenë anëtarë të bordit janë Mirela Milori, Rajmond Perolla dhe Leonard Boduri. /tesheshi.com/
