Ambasadori i OSBE në Shqipëri, Bernd Borchardt, deklaroi nga salla e Parlamentit se megjithëse regjimet diktatoriale mund të bien me revolucion, ideologjia e tyre mund të vazhdojë nëse nuk diskretitohen.
Kuvendi i Shqipërisë zhvilloi një seancë të posaçme duke përkujtuar deputetët që u pushkatuan 70 vjet më parë nga regjimi diktatorial.
“I takon shoqërisë shqiptare dhe këtij parlamenti të vendosë nëse mund të bëhet më shumë në këtë fushë.
Ju po njiheni me krimet e së kaluarës dhe po i dënoni ato. Kjo arrin përmasa shndërruese, sepse pranimi publik kontribuon në çlirimin e shoqërisë. Ekspozimi i shkeljeve i damkos shkelësit, duke i syrgjynosur në të kaluarën e hidhur.
Në vendin tonë iu desh 47 vjet për ta arritur këtë vendim. Regjimet shtypëse bien me revolucion ose me përmbysje, por ideologjia e tyre mund të vazhdojë nëse ato nuk diskreditohen. Ju shpallni qëndrimin e përbashkët politikë dhe ndani të njëjtën vetëdije politike me votuesit tuaj.
Kjo vetëdije që shpall atë që ishte e gabuar e ndan edhe më shumë shoqërinë nga regjimi i mëparshëm”, tha diplomati gjerman i OSBE-së. /tesheshi.com/
