Pjesa veriperëndimore e Sllovenisë ditët e fundit është përfshirë nga një mot i keq me reshje, ndërsa nga e diela deri të hënën në mëngjes në rajonin e Mariborit, Ptujit dhe Murska Sobotës, kanë rënë afër 70 litra shi në metër katror, derisa në Alpe akoma ekziston rreziku nga orteku i borës.
Gjatë ditës së djeshme në pjesën veriperëndimore të vendit ka pasur ndërhyrje të zjarrfikësve dhe shërbimeve tjera, ndërsa sot ekziston rreziku i vërshimit të lumenjve të vegjël dhe deri në mbrëmje priten edhe 30 litra reshje shtesë për metër katror.
Për shkak të borës së re, e cila ka rënë gjatë ditëve të fundit, është në fuqi rreziku i shpallur nga ortekët, sidomos në Alpet Julije, respektivisht në bjeshkët në lartësi mbi 1700 metra./tesheshi.com/
