Bora e madhe që ka rënë gjatë orëve të fundit ka kapur gafil si jo rrallë herë kompanitë e kontraktuara nga shteti për të pastruar rrugët.
Përveç në Prishtinë dhe qytete tjera ku rrugët janë vështirë të kalueshme, situatë më e rëndë paraqitet në rrugët magjistrale, ku tashmë janë shënuar edhe aksidentet e para.
Situata më e vështirësuar është në magjistralen Prishtinë – Pejë, ku qarkullimin e automjeteve në këtë aks rrugor e kanë vështirësuar edhe më shumë shtresat e akullit, të cilat janë krijuar për shkak të mosintervenimit nga kompanitë e pastrimit
Argjent Zenaj nga Ministria e Infrastrukturës e ka pranuar se situata nëpër rrugë nuk është edhe aq e mirë dhe ka drejtuesit e automjetev e që të kenë kujdes gjatë ecjes, një apel i përcjellë dhe nga policia.
“Kompanitë janë në punë, jemi në komunikim me menaxherët rajonal. Situata nuk është më e mira, por nuk është edhe shumë keq. Ne do të kujdesemi që gjatë ditës ta bëjmë edhe me mirë, ndërsa i lusim pjesëmarrësit në komunikacioni që edhe ata të kujdesen gjatë lëvizjes, sepse koha me temperatura të larta e para disa ditë ka bërë që shumë nga vozitësit të bëjnë ndërrimin e gomave të makinave, nga ato të dimrit në të verës”, ka thënë Zenaj për mediat kosovare.
Por ai ka thënë se hedhja e kripës dhe pastrimi i rrugëve do të vazhdojë gjatë gjithë ditës sipas orarit dhe rregullave që i kanë të përcaktuara në kontratë kompanitë. /tesheshi.com/
