Ngjyra e bardhë dhe ajo e kafe janë bashkuar në një, pasi bora ka mbuluar rërën e shkretëtirës në rajonet qendrore dhe veriperëndimore të Arabisë Saudite, si pasojë e uljes së temperaturave nën zero gradë celsius.
Në qytetin qendror Shakra dhe qytetin veriperëndimor të Tebukut, shtresa e hollë e dëborës ka mbuluar terrenin. Në Tabarjal, një qytet që ndodhet në veri të Al-Jaëf, temperatura në rajon ka arritur -3 gradë, kurse në Al-Quryat, një krahinë veriore, temperatura zbriti në -1.
Ndërsa mesi i tetorit zakonisht shënon kulmin jetëshkurtër për sezonin e reshjeve të Arabisë Saudite, territori i saj ende është duke përjetuar reshje të shkallës së lehtë deri në ato të mesme.
Abdallah Al-Musanad, profesor i shkencave të klimës në Universitetin Qassim, tha se reshjet janë të pritshme deri në fund të kësaj jave në gjithë pjesën perëndimore, lindore dhe qendrore të Arabisë Saudite. Ai tha se kjo këto janë reshjet e dyta në këtë sezon, edhe pse kanë kaluar 40 ditë që nga fundi i sezonit të shirave. /tesheshi.com/
