Që Leonardo Bonucci i ka marrëdhëniet “në fije të perit” me Juventusin, tashmë është një fakt që e tejkalon zhurmën e një thashethemi veror.
Qendërbrojtësi nuk ka më një mardhënie të mirë edhe me trajnerin Alegri dhe tashmë është kthyer në objekt merkatoje, si për dëshirën e tij, ashtu edhe për dëshirën e klubit për të mos “i prishur ambjentin”.
Por Juventus nuk ka ndërmend ta shesë “lirë” mbrojtësin italian, i cili ka admirues në të gjithë botën.
Përvec një interesi konstant nga trajneri Konte i Chealse-t, e dëshirës së Guradiolës për ta patur në qendër të mbrojtes së Mancester City-t, një ofertë gati “çoroditëse” ka mbërritur nga Milan, për skuadrën torineze: Për të marrë Bonuccin, Milan është gati të japë mbrojtësin Romagnoli, De Scilio dhe para.
Oferta është më tepër se serioze, pasi po flasim për 2 mbrojtës të kombëtares italiane. E ndërkohë që tek Juve “po mendohen”, sot “është hedhur” edhe Inter, në ankandin e ofertave. Zikaltërit mendojnë të jenë skuadra anti-Juventus sezonin tjetër, e për këtë, iu duhet patjetër një udhëheqës në mbrojtje, sic është Bonucci.
Inter shtë shprehur i gatshëm të derdhë 50 milionët e kërkuar nga Juventus, ndërsa këta të fundit, po bëjnë llogaritë e veta, nëse duan më tepër paratë, apo 2 lojtarë të tjerë në mbrojtje./tesheshi.com/
