Lideri i U2, Bono, ka folur për kërcënimet me vdekje që mori gjatë karrierës së tij, të cilat e sollën atë në konflikt me IRA-n.
Në librin e tij të pritshëm me kujtime “Surrender: 40 Songs, One Story”, që do të dalë më 1 nëntor, artisti irlandez flet për figura të tilla si lideri i Sinn Fein, Gerry Adams rreth asaj se si kërcënimi i dhunës rrënoi grupin e tij.
Duke folur për Times, këngëtari 62-vjeçar zbuloi se ai ishte paralajmëruar nga autoritetet se gruaja e tij Ali ishte një objektiv i mundshëm i IRA-s. “Kundërshtimi i U2 ndaj paraushtarakëve i kishte kushtuar IRA-s financim të vlefshëm nga SHBA”.
Babai i katër fëmijëve Bono pohoi gjithashtu se “kreu i IRA-s në Dublin planifikoi të rrëmbejë vajzat e tij dhe ka pasur njerëz që vëzhgojnë shtëpitë tona për disa muaj”.
Këngëtari në nëntor planifikon të vizitojë 14 qytete duke filluar nga Beacon Theatre në Manhattan më 2 nëntor dhe duke përfunduar më 28 nëntor në Teatro Coliseum në Madrid për të promovuar kujtimet e tij.
“Në këto koncerte kam disa histori për të rrëfyer dhe disa këngë për të kënduar… Plus, dua të argëtohem duke performuar ‘Dorëzimin’, duke menduar për të gjithë njerëzit që më ndihmuan të shkoj prej andej këtu”.
Kërcënimi për të vrarë në skenë
Së fundi, në një festival letrar, Bono rrëfeu një moment veçanërisht prekës që përjetoi në skenën e Arizonës në vitet 1980.
Përpara se të performonin hitin e tyre “Pride” – një nderim për Martin Luther King Jr. – grupi ishte vënë nën kritika për të folur kundër kundërshtimit të guvernatorit të atëhershëm për vendosjen e një dite përkujtimi për aktivistin amerikan për të drejtat civile.
Bono tha se ata i kërcënuan se do t’i vrisnin para përfundimit të këngës nëse do të këndonin rreshtin që përshkruante të shtënat ndaj King.
Bono i tha Times se “kur këndova vargun kryesor, kuptova seriozitetin e situatës dhe mbylla sytë. Kishte një shans të vogël që të më vrisnin”. /tesheshi.com/
