Ëndrra tashmë është bërë realitet. Shqipëria është kualifikuar për herë të parë në një kampionat europian. Falë fitores ndaj Armenisë në Jerevan, (3-0), kuqezinjtë kanë bërë krenarë miliona shqiptarë anembanë botës, duke ua prekur fort telat e zemrës, fill pas trishtimit të madh të së enjtes me humbjen ndaj Serbisë .
11 tetori i vitit 2015 do të mbahet mend gjatë nga shqiptarët, pasi historia e futbollit tonë fillon këtu.
Fitorja ndaj Armenisë mban firmën e futbollistëve si Shkëlzen Gashi, Berat Gjimshiti dhe Armando Sadiku që realizuan tre golat e fitores për tre pikët e arta në këtë përballje. Me katër fitore, dy barazime dhe dy humbje, Shqipëria renditet në vendin e dytë të klasifikimit në grupin I me 14 pikë. /tesheshi.com/
