Legjenda e kombëtares argjentinase, Lionel Messi, mund të luajë sërish sezonin e ardhshëm për Barcelonën, klubin ku kaloi 17 vite para se të largohej te PSG në vitin 2021.
Siç raporton gazetari i njohur sportiv Fabrizio Romano, sot për herë të parë është konfirmuar kontakti mes Barcelonës dhe Lionel Messit për rikthimin e lojtarit në klub këtë verë.
Rafa Yuste, nënkryetar i Blaugranës, tha se ka pasur bisedime me argjentinasin. Ai nuk zbuloi shumë detaje, por bëri mjaftueshëm që tifozët e Barçës tani mund të shpresojnë patjetër për rikthimin e lojtarit të tyre më të mirë në histori.
Yuste gjithashtu shtoi se Messi e do Barcelonën, ashtu si edhe familjen e tij, dhe se klubi do të kërkojë kushtet e duhura që ai të kthehet në Spotify Camp Nou.
Messi ka kontratë me PSG deri më 1 qershor. Edhe pse pritej për një kohë të gjatë që ai të qëndronte në Paris, kjo mund të jetë një kthesë e madhe dhe Messi mund të jetë një plotësues i shkëlqyer për ekipin fantastik të ri që po ndërtohet në Barcelonë. /tesheshi.com/
