Një bombë molotov është hedhur në banesën e liderës së Mjanmarit, Aun Sang Suu Kyi në Yangon, kryeqytetin e vendit.
Lajmin e ka bërë të ditur zëdhënësi i qeverisë, gjatë një komunikimi me televizionin amerikan CNN.
Zëdhënësi Zaw Htay nuk ka furnizuar detaje të tjera, si dhe nuk ka bërë të ditur nëse drejtuesja e vendit ndodhej në shtëpi, momentin e sulmit.
Aun Sang Suu Kyi, e cila ka marrë çmimin Nobel për Paqe, dy vitet e fundit ka hyrë në historinë botërore si liderja që ndërmori një spastrim ndaj popullsisë Rohinga të besimit musliman, popullsi e cila është dëbuar nga vendi dhe ndodhet në kampe refugjatësh në shtetet fqinjë.
CNN citon gazetarë të pavarur nga Mjanmari që e shikojnë këtë sulm si një rast për të viktimizuar liderën e vendit, apo të nisë një fushatë tjetër represioni ndaj krerëve të Rohingia-s. /tesheshi.com/
