Dy bombardues B1B të flotës ajrore amerikane kanë survejuar dje gadishullin korean si një “përgjigje direkte” ndaj testeve raketore të Koresë së Veriut.
Avionët bombardues të mëdhenj B-1B janë nisur nga baza e SHBA në Guam dhe kanë fluturuar në kuotë të ulët mbi një bazë ajrore të Koresë së Jugut të shoqëruar nga avionë luftarakë japonezë dhe jug-koreanë.
“Koreja e Veriut mbetet kërcënimi më aktual për stabilitetin e rajonit”, deklaroi gjenerali i forcave amerikane në Paqësor, Terrence J. O’Shaughnessy.
“Nwse thirremi nga Presidenti i SHBA, jemi gati të përgjigjemi me forcë të shpejtë, shkatërrues dhe të paimagjinueshme”, shtoi ai.
Mediat botërore bëjnë të ditur se këto manovra nuk janë gjë tjetër, veçse një përgatitje konkrete të versionit të ndërhyrjes ushtarake amerikane në Korenë e Veriut.
Agjencia ANSA thekson se këshilltarët po e nxisin Trump për një ndërhyrje të fortë që të heqë imazhin negativ që po mbizotëron si pasojë e Russia Gate. /tesheshi.com/
