Ministria e Punëve të Jashtme të Ukrainës publikoi një video të pasojave të bombardimit të djeshëm në një shkollë në fshatin Bilohorivka në rajonin e Luhanskut.
Është një ndërtesë në bodrumin e së cilës ishin fshehur 90 persona. Tridhjetë prej tyre u shpëtuan dhe dyshohet se 60 janë vrarë.
Në një postim në Twitter, ministria tha se Rusia qëndron pas të gjithave.
“Rusia e kreu këtë krim brutal lufte pak para Ditës së Kujtimit dhe Pajtimit (emri ukrainas për Ditën e Fitores mbi Nazizmin), duke përsëritur vazhdimisht tragjedinë e Luftës së Dytë Botërore”.
Kujtojmë, Segej Haidai, kreu i administratës ushtarake rajonale të Luhanskut, njoftoi më parë se shtatë persona u plagosën dhe se dy trupa janë gjetur deri më tani.
Sipas Haidait, avioni rus hodhi një bombë në shkollën në fshatin Bilohorivka, e cila është rreth 11 kilometra nga fusha e betejës. Në bodrumin e shkollës, tha ai, “aty ishte pothuajse i gjithë fshati”.
Zjarrfikësve iu deshën më shumë se katër orë për të shuar zjarrin që shpërtheu pas bombardimit. /tesheshi.com/
Serhiy Haidai, head of the regional military administration reports that as a result of the airstrike on a school in #Bilohorivka probably 60 people have been killed. pic.twitter.com/LARzLfZThY
— NEXTA (@nexta_tv) May 8, 2022
