Kryeministri i Kosovës, Ramush Haradinaj, ka deklaruar se Beogradi do të bombardohet nëse vetëm një ushtar serb hyn në territorin e Kosovës.
Kreu i AAK-së tha se nuk ka asnjë analogji mes luftës në Kosovë dhe luftës në Ukrainë.
“E di që amerikanët nuk lejojnë asnjë ushtar serb të hyjë në territorin e Kosovës, e di që Beogradi do të bombardohet nëse ndodh diçka e tillë, si në vitin 1999.
Këtë e di mirë udhëheqja serbe. ‘Nëse një oficer serb kalon nëpër territorin e Kosovës do të bombardohet Beogradi, e jo ndonjë territor tjetër’”, ka thënë ndër të tjera Haradinaj.
Nuk vonoi shumë dhe përgjigja e presidentit të Serbisë, Aleksandar Vuçiç, i cili tha se këto janë “marrëzi dhe pa kuptim”.
“A dëshiron të na bombardojë ne apo dikë tjetër”, pyeti Vuçiç.
Ai theksoi se Serbia do të ruajë paqen dhe stabilitetin dhe se forca e Serbisë është ushtria “e cila do të jetë vetëm më e fortë”. /tesheshi.com/
