Të paktën gjashtë fëmijë janë vrarë të dielën gjatë bombardimeve të regjimit sirian, në momentin kur u godit një kopsht në qytetin Harasta të kontrolluar nga forcat kryengritëse, jashtë kryeqytetit Damask.
Observatori Sirian për Monitorimin e të Drejtave të Njeriut tha se 17 persona, shumica prej tyre fëmijë, janë plagosur gjatë bombardimeve.
Një fotograf i AFP e pa trupin e një fëmije, një vajze, të shtrirë në një krevat në një spital të improvizuar, fytyra e saj e së cilës ishte e gjakosur ndërsa rrobat e saj të shqyera.
Në kopshtin e fëmijëve, njollat e gjakut kanë mbetur në dysheme, nën një rrëshqitëse të vogël me ngjyrë të kuqe të mbështetur në një mur të pikturuar me vizatime të fëmijëve.
Harasta është një bastion që ndodhet jashtë Damaskut, një rajon që është vënë në shënjestër në baza të rregullta nga sulmet ajrore dhe bombardimeve qeveritare.
Më shumë se 300,000 njerëz janë vrarë në Siri që nga fillimi i konfliktit, i cili filloi në mars të vitit 2011 me protestat anti-qeveritare. /tesheshi.com/
