Nuk ndodh më shumë se askund të tjetër në rajon, sesa në Shqipëri, që korrupsioni i lidërve në politikë, të mbulohet me “votën e popullit” që shkon për ta, duke e legjitimuar pra me norma demokratike hajdutërinë e tyre. Por këtë lloj standarti ka vendosur të rëzojnë administrata amerikane.
Njeriu i angazhuar i Uashingtonit në Ballkan, Zëvendësndihmësi i sekretarit të shtetit, Brian Hoyt Yee, ka bërë me dije se SHBA-ja nuk do të tolerojë asnjë politikan të korruptuar në Ballkan, pavarësisht se janë të zgjedhur nga vetë qytetarët.
Dhe duket sikur ky lloj mesazhi i dedikohet më së shumti realitetit shqiptar.
Nga ana tjetër, duke folur për të përjavshmen “Nin” në Beograd, Yee theksoi se prioritet kryesor duhet të jetë përparimi ekonomik.
“Prioritet numër një duhet të jetë përparimi ekonomik. Shumica e vendeve të rajonit kanë rritje vjetore prej 3 ose 4%, por edhe me këtë rritje ose edhe me 6% nuk do të arrijnë mesataren e BE-së në tri dekadat e ardhshme”, tha Yee, i cili shtoi ndër të tjera se nëse vendet e Ballkanit bashkëpunojnë më SHBA-në dhe BE-në, do të përparojnë me patjetër. /tesheshi.com/
