Në “bombën” e rradhës që shpalosi, lideri opozitar maqdonas Zoran Zaev, tha se institucionet shtetërore janë uzurpuar nga partia e Nikolla Gruevskit, e këtë tha se e dëshmojne bisedat e përgjimeve telefonike.
Në të 20-tën “bombë”, me protagoniste kryesore Ministren e Brendshme Jankullovska, kjo e fundit dikton drejtpërdrejtë në punësimin e kuadrove partiakë nëpër gjykata, polici e spitale.
Në një bisedë që pretendohet të jetë vet Jankullovska, ajo dëgjohet të thotë se kanë “pastruar” institucionet nga ata që nuk mendojnë si VMRO-ja duke i shpallur si “tepricë”.
Zoran Zaev publikoi një bisedë, e cila siç tha ai, dëshmon për ndërhyrjen direkte të Gruevskit në përzgjedhjen e mjekëve në Spitalin Ushtarak, pavarësisht se përgjegjësit të spitalit, i cili i thotë kryeministrit se ajo që po bën, po dëmton punën në shëndetësi.
Nga ana tjetër, ministrja Gordana Jankullovska, në një bisedë kërcënon se do të largojë drejtorin e Spitalit Shtetëror, pasi nuk i përmbahet listës së dërguar nga partia.
Punësimet partiake janë bërë edhe me direktiva të Shefit të Zbulimit, Mijallkov, i cili në një bisedë të shpalosur, nga Ministrja e Brendshme Jankullvoska, kërkon punësimin e 1000 personave, madje, pa konkurse.
Në shënjestër të publikimit të sotëm ka qenë edhe Gjygjësori, pasi Zaev publikoi biseda, të cilat sipas tij, dëshmojnë se pushteti ligjvënës dhe ekzekutiv ka ndërhyrë në mënyrë direkte në pushtetin gjyqësor.
Për këtë prezantoi një bisedë mes shefit të DSK-së Sasho Mijallkov, dhe Jankullvoskës, në të cilën Mijallkov tregon se kanë emëruar si prokurore Gordana Geshkoskën, e cila është e njohur në opinion si prokurorja e angazhuar në procesin ‘Monstra’, si dhe procesin rreth televizionit A1. Ministrja Jankulloska i cilëson si “të tanët” personat e emëruar si gjykatës apo prokurorë. /tesheshi.com/
