“Bomba” e 12 në Shkup: përmendet dhe “xhenhemi” mes zyrtarëve shqiptarë!

Kjo që ka ndodhur në Maqedoni me Nikolla Gruevskin, Saho Mijallkovin  dhe bashkëpuntorët,  ka prishur rendin kushtetues të shtetit” – Kështu e nisi shpalosjen e bombës së dymbëdhjetë lideri opozitar Zoran Zaev, ndërkohë që publikoi biseda që dëshmojnë në mënyrë konkrete,  se në duar të kujt është sistemi gjyqësor në Maqedoni.

Zaev tha se tre persona kurdisin gjykatës dhe prokuror publik, që më pas t`i  zvarisin spiunët e lojës së Shahut për nevojat dhe qëllimet e tyre. Për këtë akuzoi kryeministrin  Gruevski, shefin e inteligjencës Sasho Mijallkov dhe ministren e brendshme Gordana Jankullovska.

Zaev tha se ata kanë pasur bashkpuntorë te partneri i tyre në koalicion, Bashkimin Demokratik për Integrim, të Ali Ahmetit.

Një nga bisedat e publikuara, Zaev tha se zhvillohet mes minsitres Jankullovska dhe Sasho Mijallkovit. Në bisedë dëgjohet se Jankullovska informon t`i  ketë thënë Blerim Bexhetit, në atë kohë ministër i drejtësisë, për një favor në gjyqësor, për çka ka kërkuar që një post, për të cilin janë mar vesh t`i takojë BDI-së, t’ua lëshojnë VMRO-së, respektivisht një vend në prokurori, sese bëhet fjalë për djalin e kryetares së Gjykatës së Apelit.

Më pas lëshohet edhe një bisedë për të cilën thuhet se është mes Musa Xhaferit dhe Blerim Bexhetit, ku ata bashkëkonstatojnë se janë treguar zemërgjerë me VMRO-në, duke ia dhënë tre pozita në Gjygjësor të cilat u kanë takuar atyre.

Musa Xhaferi duket i shqetësuar për këtë konçesion që duhet bërë, për çka Bexheti i thotë: ”Hajt morë Musë, se me një post më shumë nuk do të shkojmë në xhenhem”  /tesheshi.com/