John Bolton, ish-këshilltar për sigurinë kombëtare të Donald Trump, është i gatshëm të dëshmojë para Senatit, si pjesë e procesit të shkarkimit të presidentit amerikan.
“Nëse Senati zyrtarisht më thërret të dëshmoj, unë jam i gatshëm të dëshmoj”, tha ai, pa koment të mëtejshëm.
Demokratët po bëjnë presion ndaj Boltonit dhe tre zyrtarëve të lartë për të dëshmuar para Senatit, ndërsa republikanët duan një “gjykim të shpejtë”, i cili do ta linte Trump të lirë nga akuzat përpara se të fillonte fushata zgjedhore presidenciale.
Republikanët dhe Demokratët nuk janë askund afër një marrëveshje, pretendon Reuters.
Bolton, një “skifter” në politikën e jashtme, u shkarkua në shtator 2019 për shkak të asaj që tha Trump në atë kohë, se ishte “kundërshtues” për një numër çështjesh.
Demokratët kanë akuzuar Trump për presion ndaj Ukrainës për të filluar një hetim ndaj kundërshtarit të tij politik, ish-z.v/Presidentit Joe Biden dhe për pengimin e përpjekjeve të Kongresit për të hetuar veprimet e tij. /tesheshi.com/
