Usain Bolt nuk e ka me shaka kur thotë se ëndërron të luajë për Mancester Junajted. Ish-sprintieri kampion bote, nuk e ka thjesht “tekë” dëshirën për të nisur karrierën si futbollist, por është duke punuar për këtë.
Madje në një intervistë dhënë për RTL, rekordmeni i shpejtësisë, tregon se i ka vënë vetes qëllim të bindë trajnerin Murinjo që ta përfshijë në formacion.
“Është një ëndër fëmijërie që të luaj për Mancester Junajted, e njeriu duhet të bëjë gjithçka mundet, për të arritur tek ëndrrat. Po punoj fort që të arrij nivel të lartë, e të bind trajnerin Murinjo” – ka thënë Usain Bolt. /tesheshi.com/
