Presidenti brazilian Jair Bolsonaro vizitoi Murin e Lotëve në Jerusalem shoqëruar nga kryeministri izraelit Benjamin Netanjahu dhe la një letër me lutje mes gurëve, raporton Reuters.
Brazili hapi një mision të ri tregtar në Jerusalem dhe Netanjahu tha se shpreson se zyra e tregtisë braziliane do të jetë një hap drejt lëvizjes së ambasadës në atë qytet.
Megjithatë, një zëdhënës i presidentit brazilian tha: “Nuk ka njohje të Jerusalemit si kryeqytet.”
“Presidenti ynë vazhdon të vlerësojë këtë mundësi, por kjo nuk është ajo që ne kemi vendosur në këtë moment”, shtoi ai.
Kjo u konfirmua nga një njoftim i mëparshëm nga Ministria e Jashtme e Brazilit, e cila njoftoi se vendi do të hapë vetëm zyrën në Jerusalem, me qëllim të promovimit të tregtisë, investimeve dhe teknologjisë, por nuk ka zhvendosje ambasade.
Presidenti brazilian ka premtuar më parë se do të lëvizë ambasadën e vendit të tij në këtë qytet, pjesa lindore e të cilit konsiderohet nga palestinezët si kryeqyteti i shtetit të saj të ardhshëm.
Muri i lashtë i Lotëve është hapësira më e shenjtë e lutjes në judaizëm, e vendosur në pjesën lindore të qytetit të pushtuar nga Izraeli në luftën e Lindjes së Mesme në vitin 1967 dhe më pas aneksuar.
Kjo lëvizje nuk ishte e njohur ndërkombëtarisht.
Presidenti i SHBA Donald Trump ndërpreu konsensusin global në 2017 duke njohur Jerusalemin si kryeqytetin e Izraelit dhe duke zhvendosur ambasadën amerikane në atë qytet. /tesheshi.com/
