Presidenti brazilian Jair Bolsonaro thotë se ai humbi kujtesën e tij pas një përplasjeje në rezidencën e tij, e cila bëri që ai të shtrohej në spital.
“Rrëshqita dhe rashë në shpinë. Ishte një goditje e keqe, por unë do të kujdesem për veten time”, tha Bolsonaro për Brasil Urgente.
Ai vuri në dukje se incidenti ka ndodhur të hënën në mbrëmje në banjë.
“Në atë moment humba kujtesën. Të nesërmen shumë gjëra u kthyen tek unë dhe tani jam mirë. Për shembull, nuk e dija se çfarë po bëja të hënën”, tha presidenti brazilian.
I pyetur për shëndetin e tij, presidenti 64-vjeçar tregoi se po ndjehej mirë, por shtoi se rënia dhe mosha ishin një kombinim i rrezikshëm.
Kohët e fundit, media braziliane gjithashtu raportoi se Bolsonaro iu ankua këshilltarëve për lodhjen kronike dhe u kërkoi atyre që të zvogëlonin programin e tij deri në fund të vitit.
Që nga marrja e detyrës si president në 1 Janar, Bolsonaro ka pasur katër operacione pasi u qëllua me thikë në një sulm gjatë fushatës presidenciale në shtator 2018.
Bolsoanaro konsiderohet ndryshe dhe si “Trumpi” i Brazilit. /tesheshi.com/
