Një skandal ka shpërthyer në Iran pas një billoboard-i në Shiraz, në kuadër të ceremonive të përkujtimit të luftës 8-vjeçare Iran – Irak, që nga Teherani konsiderohet si “Mbrojtja e Shenjtë”.
Në billboard mund të shihet tre burra në uniformë, me një citim nga poezitë perse, por në fakt ajo ka rezultuar një fotografi e ushtarëve izraelitë, me të cilën “fshirë” një grua tjetër në uniformë.
Billboardi u vendosu të mërkurën në mbrëmje, dhe kryetari i Bashkisë së Shirazit kërkoi falje të nesërmen për gabimin.
“Bërja e një gabimi në një poster të tillë të rëndësishëm gjatë javës së ‘Mbrojtjes së Shenjtë’ është i pafalshëm”, tha Heydar Eskandarpour.
Këto ditë, Irani përkujtoi fillimin e luftës me vendin fqinj, që zgjat plot 8 vite, nga ’80-ta deri në 88-ën. Vlerësohet se gjatë lësaj lufte, të cilën iranianët e quajnë “Mbrojtja e Shenjtë”, u vranë 680 mijë njerëz.
“Me falje ndaj banorëve të Shirazit, e pyeta përgjegjësin për të hetuar se si kjo mund të kishte ndodhur”, shtoi kryebashkiaku.
Sipas agjencisë Fars, pak më vonë, dy punonjës të departamentit të marrëdhënieve publike të qytetit u shkarkuan.
Reagimet ndaj rrjeteve sociale iraniane ishin plot zemërim.
“Pushkë M16, uniforma, helmeta … Gjithçka në mënyrë të qartë iu përket sionistëve. Gjëja më e mirë që mund të them, është se keni bërë diçka idiote”, shkroi një përdorues i Tëitter. /tesheshi.com/
