Faktori ndërkombëtar në Tiranë ka nisur aksionin për t’i bindur aleatët e vegjël të PD-së që të futen në zgjedhje, duke parë që vetë kjo parti do i bojkotojë ato me shumë gjasa. Kjo lëvizje vjen pas dështimin të negociatave për të bërë të mundur mbylljen e çadrës dhe shkuarjen e PD-së në zgjedhje.
Një sms u ka shkuar krerëve të partive të vogla, ku thuhet:
“Pershendetje z. Madhi, z. Duka, z. Dule, z. Ndoka, z. Blushi, z. Idrizi, z. Shehi Ambasadori Borchardt, Ambasadori Lu dhe Ambasadorja Vlahutin kane kenaqesine t’ju ftojne ne nje takim informues per procesin e negociatave te zhvilluar mbreme. Takimi do te zhvillohet diten e premte, dt. 28 prill ora 10:00, vendi per t’u konfirmuar. Ju lutem me konfirmoni nese axhenda juaj e mundeson pjesemarrjen tuaj ne kete takim. Ju faleminderit”
Kujtojmë se ditë më parë, kreu PBDNJ-së, Vangjel Duke shfaqi rezerva ndaj një zyrtari europian me mision në Tiranë, i cili u kishte kërkuar partive të vogla që të merrnin pjesë në zgjedhje, edhe si një mundësi për t’u rritur në mandate, në mungesë të PD-së. /tesheshi.com/
