Prodhuesi amerikan i avionëve Boeing ka shënuar një humbje prej 425 milionë dollarësh në tremujorin e parë të këtij viti.
Të ardhurat e kompanisë u rritën në tremujorin e parë me 28 për qind krahasuar me të njëjtën periudhë të vitit të kaluar – në 17.9 miliardë dollarë, transmeton Anadolia.
Boeing gjeneroi të ardhura prej 13.9 miliardë dollarësh në të njëjtën periudhë të vitit 2022, sipas raportit të kompanisë.
Kompania pati një humbje prej 425 milionë dollarësh në tremujorin e parë të vitit.
Boeing gjithashtu raportoi një humbje prej 1.2 miliardë dollarësh në periudhën nga janari në mars të vitit të kaluar.
Humbja për aksion e Boeing për periudhën ra nga 2,75 dollarë në 1,27 dollarë.
Këtë vit pritet dorëzimi i 400 deri në 450 737 MAX dhe prodhimi është planifikuar të rritet në 38 avionë në muaj.
CEO i Boeing, Dave Calhoun, tha se ata kishin një tremujor të parë solid dhe u fokusuan në sigurimin e stabilitetit për klientët. /tesheshi.com/
