Bob Dylan, fitues i Nobelit në Letërsi, nuk do të udhëtojë personalisht drejt Suedisë për të marrë çmimin e dhënë nga akademia me qendër në Stokholm.
Kjo akademi bëri me dije një letër të marrë nga Dylan ku thuhej prej tij se vetëm muajin e ardhshëm mundej të vinte për të marrë çmimin, për shkak të angazhimeve të planifikuara.
Data e ceremonisë është 10 dhjetori dhe, siç sqarohet ai nuk do të jetë prezent. Megjithatë ky nuk është pari rast. Para tij, kanë qenë Harold Pinter dhe Doris Lessing, fitues në 2005-ën dhe 2007-ën të cilët nuk morrën pjesë në ceremoni.
Kështu, Nobeli i Letërsisë i këtij viti po kalon në një kalvar për shkak të disa reagimeve befasuese të fituesit, Bob Dylan. /tesheshi.com/
