Mbrojtësi i Bayern Mynih, Jerome Boateng është i gatshëm të marrë përsipër shiritin e kapitenit në përfaqësuesen gjermane, duke u bërë kështu kapiteni i parë me ngjyrë.
“Do të ishte diçka speciale për mua. Jam nga Berlini, kam një ngjyrë tjetër dhe kjo nuk do më pengonte aspak, madje do më bënte krenar”, theksoi Boateng.
Qendër mbrojtësi bavarez, ka zhvilluar 57 paraqitje nën petkun e Gjermanisë dhe është shndërruar në një lider të vërtetë menjëherë pas Kampionatit Botëror të mbajtur në Brazil gjatë vitit 2014.
Në finalen e Rio de Janerios ndaj Argjentinës, Boateng kishte kënduar për herë të parë himnin gjerman, ndërkohë thekson se është ndjerë shumë mirë pas ndeshjes.
“Ishte një moment shumë i veçantë për mua. Titulli i Kupës së Botës më ka bërë edhe më të pjekur dhe tani ndeshjet e mëdha i marr me shumë qetësi”, përfundoi Boateng.
Boateng mund të jetë kapiteni i parë i Gjermanisë, pas pensionimit të Philip Lahm nga kombëtarja./tesheshi.com/
