Ben Blushi shpall zyrtarisht kandidimin e tij përballë Edi Ramës në kongresin e ardhshëm. Për këtë kandidaturë ai ka vendosur dy kushte apo kërkesa: nëse do të ketë garë të ndershme, dhe ata që duhet të zgjedhin kryetarin, pra delegatët, të mos zgjidhen nga kryetari.
“Kam të dhëna se zgjedhësit po trukohen. Duhet të ketë një proces të drejtë delegatësh” tha kandidati i vetëshpallur përpara Ramës.
“Kam dashur të flas por nuk kam ku të flas” tha Blushi, i cili akuzoi Ramën dhe aparatin e PS se gjithmonë e më rrallë bën mbledhje kryesie e asambleje ku socialistët të mund të flasin.
Në platformën e tij ai tha se nuk do të ketë prishje të koalicionit me LSI, por do të ketë një ridimensionim të kësaj marrëdhënie. “Sesi do të jetë ajo, do ta shohim nëse do të kemi një proces të tillë” tha Blushi. /tesheshi.com/
