Deputeti socialist Ben Blushi, i cili është dalluar gjerësisht kohët e fundit për kritikat e ashpra ndaj qeverisë, duke folur sot në parlamentin shqiptar ka deklaruar se qeveria e sotme bën premtime që nuk i mban dot.
“Qofsha gabim po nuhatja më thotë që Shqipëria për disa arsye nuk është sot në pozitat që duhej të kishte në rajon, për shkak se pozita shqiptare ka bërë premtime që nuk i mban dot dhe nuk duhej t’i kishte bërë”, shtoi Blushi me tone kritike.
Deputeti i PS komentoi edhe ngjarjet në Maqedoni duke pohuar se “dikush me hile apo dinakëri ka dashur të përfshijë Shqipërinë në një konflikt politik”.
Sipas Blushit, qeveria shqiptare po i kthehet stilit të Gruevskit “kur për fat të mirë e hoqi me votë”, duke nënkuptuar kështu edhe qeverinë paraardhëse. /tesheshi.com/
