Ben Blushi ka promovuar forcën e tij të re politike me një ndër frazat më të zgjedhura thënë prej tij në formën e një postulati politik: “Ne bashkohemi rreth një ideje dhe jo rreth një individi”.
Këtë, Blushi e ka thënë në parlament në adresë të grupit parlamentar demokrat, si për t’u bërë me dije se ata i bashkon Berisha dhe jo ndonjë ideal; ndërsa në PS ka bashkim rreth idealeve dhe jo rreth liderit.
Por tani, Blushi e ka zhvendosur këtë në adresë të ish-partisë së tij, duke aluduar se atje idealet kanë marrë fund e se njerëzit janë mbledhur vetëm rreth Ramës. Megjithatë, ndër motot e tjera bazë të partisë së tij të re, ishte dhe “Liri, dije dhe ekulibër”.
Ndërsa për zbërthyer me pak fjalë emrin e partisë, “Libra”, Blushi ka huzuar një thënie të Ramës këtu e 25 vjet më parë – “Jemi bërë të kuq si rusët, të verdhë si kinezët dhe të zinj si shqiptarët” – të cilën e adaptoi në” “Libra ka vendosur të jetë e verdhë, e bindur se e kuqja na varfëroi për 50 vjet, bluja për 20 dhe mavija për 3 vjet”. /tesheshi.com/
