Deputeti i Partisë Socialiste, Ben Blushi ka deklaruar se nuk mund të jetë pjesë e kryesisë së PS, e cila, siç tha Blushi, po zgjidhet përmes uzurpimit të PS përmes heqjes së të drejtës së votës.
Duke deklaruar se nuk mund të votojë “lavatriçen e mediokritetit”, Blushi ka theksuar se dy janë kërcënimet e mëdha të vendit sot: “PD që kërkon të armatosë vendin dhe Rilindja që e sheh shpresën e zhvillimit te kanabisi”
“Ata janë lavatriçja më e madhe, është Rilindja e unë s’mund të isha pjesë e kësaj, njerëzit janë futur në Kryesi duke mbushur votat, e dyta duke bërë tender, kush shan më shumë oponente brenda partisë hyn në Kryesi. I vetmi propozim që ka bërë Rilindja në tre vjet, propozim ekonomik është si të legalizohet kanabisi, këta janë rilindësit, ashtu si e kam thënë janë krenaristë dhe kanabistë, krenaristë janë ata që janë krenarë për gjithçka, kurse kanabistë besojnë se vendi mund të ketë ekonomi të zhvilluar, të hapë vende pune, duke na cuar në ara të mbjellim kanabis, unë s’mund të isha pjesë e kësaj”- tha Blushi. /tesheshi.com/
