Deputeti dhe kreu i LIBRA-s, Ben Blushi, deklaroi se pas zgjedhjeve të 18 qershori vendi do të futet në pesimizëm edhe më të thellë.
Në emisionin e mëngjesit të News 24. Blushi ka folur sot për jetën e tij personale, atë politike dhe letërsinë e tij.
Blushi, për herë të parë tha se për të shkruar libra ka ndikuar shumë edhe babai i tij. Koçi Blushi, deklaratë që e bën për herë të parë.
“Fakti që bëj këtë që bëj është edhe për këtë arsye. Jo vetëm në rastin tim, fëmijët ndjekin zanatet e prindërve. Kam përshtypjen po të kisha lindur në një familje që merret me ekonomi do isha bërë biznesmen, apo me sport. Absolutisht që ka ndikuar. Kur isha 2-3 vjeç shikoja babain dhe gjyshin tim duke shkruar”.
Dhe më pas kaloi në politikë të mirëfilltë.
“Pas zgjedhjeve pesimizmi në Shqipëri nuk ka gjasa të zbehet, do shtohet. Sido që të dalin zgjedhjet. Pesimizmi nuk ka gjasa të zbehet”, tha Blushi. /tesheshi.com/
