Deputeti i Partisë Socialiste Ben Blushi i ka kërkuar kreut të partisë në të cilën ai bën pjesë, Edi Ramës, të hapë kutitë e referendumit, pasi sipas tij nuk ka marrë pjesë as 40 përqind e anëtarësisë.
Në një njoftim për shtyp, Blushi thekson se në referendum ka marrë pjesë më pak se 40 për qind e anëtarësisë.
“Unë nuk do të them hap kutitë ose largohu, por do të them hap kutitë ose turpërohu!”, shkruan Blushi, i cili nuk pranon se ka humbur nga ky referendum, përkundrazi. Ai thotë se ka fituar lirinë, për të cilën ka një projekt.
“Do t’i tregoj Shqipërisë se nuk është koha për ta përçmuar Rilindjen, por për ta rrëzuar atë”.
Ndërkaq, sekretari organizativ i PS-së, Ben Blushi tha se “ 84% e anëtarësisë së partisë ushtruan të drejtën e votës në një proces transparent dhe të monitoruar nga media, si dhe kushdo i interesuar për të. Mbi 95% e anëtarësisë votoi për ta konsideruar të rinovuar automatikisht mandatin e kryetarit të partisë, kur partia fiton zgjedhjet dhe është në qeveri”. /tesheshi.com/
