Deputeti i Partisë Socialiste, Ben Blushi e cilësoi referendumin në PS si të sajuar dhe të keqmenaxhuar, për ta eliminuar si kandidat.
“Nuk është thjesht çështje që ka të bëjë vetëm me një parti, por është partia që ka në dorë fatet e Shqipërisë, merr vendime strategjike për të ardhmen dhe nëse kjo parti nuk respekton demokracinë e brendshme, nuk jep garanci se mund të qeverisë me drejtësi”, – tha Blushi.
Ai deklaroi se po pret që sipas rregullit Komisioni Zgjedhor në PS, të shpallë rezultatin e votimit, ndërsa shtoi se deri sot nuk ka rezultat zyrtar nga ku komision, por u shpall nga një ministër.
“Vendimin e shpall ky komision, kuti për kuti. Rezultati është kuti për kuti, pas daljes së rezultatit do ankohemi për të hapur kutitë. Ata që hynë në grevë urie duke i kërkuar Sali Berishës të hapë kutitë, duhet të kenë turp nga referendumi i së shtunës, pasi kanë mbushur kutitë kudo në vend”, – ishte kritika e Blushit. /tesheshi.com/
