Ish-kryebashkiaku i Nju Jorkut, Michael Bloomberg tha se ai nuk do të kandidojë për zgjedhjet presidenciale amerikane në 2020, raporton Reuters.
Sipas agjensisë, Bloomberg do t’i kushtojë kohë luftës kundër ndryshimit të klimës në vend të ofertës presidenciale.
Bloomberg, një miliarder që mund të financonte vetë fushatën e tij, e kishte konsideruar më parë idenë e një kandidature. Ndërkohë, ai u bë kritik i ashpër i Presidentit Trump.
Vitin e kaluar, Bloomberg u dhuroi miliona dollarë demokratëve dhe mbështeti shtrëngimin e ligjeve të armëve në Shtetet e Bashkuara.
Në fund të vitit të kaluar, Michael Bloomberg gjithashtu dhuroi 1.8 miliard dollarë për John Hopkins University për të rritur ndihmën financiare për studentët që vinin nga familjet me status të dobët social. /tesheshi.com/
