Shkarkimi i John Bolton, këshilltari i ish-presidentit Donald Trump për sigurinë kombëtare, ka të bëjë me mosmarrëveshjet themelore midis të dyve për lehtësimin e sanksioneve ndaj Iranit, raporton Bloomberg.
Trump e gjuajti Boltonin në Twitter, duke sqaruar se ai “kundërshtoi me forcë” shumë nga pikëpamjet e tij, përfshirë ato që lidhen me Iranin dhe Korenë e Veriut.
Duke synuar Boltonin, Irani ka njoftuar se Shtetet e Bashkuara duhet të distancohen nga “luftëtarët”.
Bolton, nga ana tjetër, ofroi një version tjetër, duke thënë se ai kishte dhënë dorëheqjen një ditë më parë.
Ndërsa nuk është sekret që Bolton dhe Trump kanë mendime të ndryshme për shumë tema të politikës së jashtme, shkaku për të cilin Bolton u “pushua nga puna” është se ai kundërshtoi dëshirën e presidentit amerikan për të lehtësuar sanksionet në një përpjekje për të rregulluar një takim me liderin iranian Hassan Rouhani, pretendon Bloomberg.
Duke përmendur tre persona të njohur me situatën, Bloomberg raportoi se Bolton kundërshtoi me forcë idenë, e cila iu dha atij në Zyrën Ovale.
Pasi Steven Mnuchin, sekretari i Thesarit të SHBA, shprehu mbështetje për propozimin e Trump, presidenti amerikan mori një vendim më vonë gjatë ditës për të pushuar Boltonin.
Bolton ishte një mbrojtës i fortë i politikës amerikane të “presionit maksimal” ndaj Iranit, i cili kryesoi braktisjen nga ana e SHBA të marrëveshjesw bërthamore të vitit 2015 dhe ishte një mbështetës i idesë për të filluar sulme në objektet bërthamore të Iranit.
Sipas burimeve të Bloomberg, Shtëpia e Bardhë ka filluar përgatitjet për takimin mes Trump me Rouhanit në kuadër të Asamblesë së Përgjithshme të Kombeve të Bashkuara që do të mbahet në New York në fund të shtatorit.
Mundësia e një takimi midis dy liderëve u diskutua edhe nga Sekretari i Shtetit Mike Pompeo, i cili tha se Trump ishte i gatshëm për takimin pa asnjë parakusht. /tesheshi.com/
