Bloomberg gati të kandidojë: për herë të parë një hebre për president të SHBA-së

Michael Bloomberg mund të jetë kandidati i ri për President i SHBA-së. Ish-Guvernatori i New York-ut po shqyrton mundësinë për t’u përfshirë në garë si kandidat i pavarur. Dhe kjo përbën një risi, pasi Bloomberg është i pari hebre që do të kandidojë direkt për postin e kreut të Shtëpisë së Bardhë.

Bloomberg për tri mandante ka shërbyer si guvernator i New Yorkut dhe për më shumë se dy vite është përpjekur që të fitojë mbështetje për ligje më të rrepta të kontrollit të armëve në SHBA, por ato kanë qënë të pasuksesshme.

Sipas mediave amerikane 73-vjeçari është i gatshëm që të shpenzojë nga pasuria e tij 1 miliardë dollar për fushatën, por vendimin përfundimtar nëse do të përfshihet ose jo në garën për president të SHBA-së ai do ta marrë në fillim të muajit mars.

Ish-Guvernatori, pasuria e të cilit kap shifrën e 40 miliardë dollarëve, renditet ndër personat më të pasur në Amerikë.

Bashkëpuntorët e Bloomberg theksojnë se ai është i shqetësuar për dominimin e konkurencës republikane nga një tjetër milirder nga Donald Trump.

Kjo nuk është hera e parë që Bloomberg shqyrton mundësinë për të kandiduar në zgjedhjet presidenciale; edhe në vitin 2008 ai shqyrtoi mundësinë për të kandiduar por fitoi pak mbështetje dhe braktisi përpjekjet për t’u përfshirë në këtë garë.

Ndërkohë gara presidenciale në SHBA aktualisht dominohet nga kanidiatja demokrate Hilary Klintion dhe manjati republican, Donald Trump. /tesheshi.com/