Prodhuesi kinez i makinave elektrike BYD ka nisur një fushatë për uljen e çmimeve për të rritur presionin ndaj konkurrentëve të saj si Toyota apo Volkswagen, ku modelet më të përballueshme mund t’i keni për më pak se 9220 euro.
Siç raportohet nga Bloomberg, BYD ka ulur çmimet e më shumë se 100 modeleve të saj elektrike dhe hibride si pjesë e fushatës së marketingut “Elektriciteti është më i lirë se nafta”.
Makina elektrike Seagull është bërë më e lirë me pesë për qind dhe shitet për 69,800 juanë kinezë, ose 8,850 euro.
Sedani elektrik Qin Plus, një nga modelet më të shitura të BYD, tani është 20 për qind më i lirë dhe ka rënë në 79,800 juanë, ose rreth 10,000 euro.
Çmimi mesatar i një makine elektrike në Shtetet e Bashkuara është rreth 55,300 euro.
“Ky është një raund tjetër në luftën e çmimeve, BYD po përdor avantazhin e saj të përfitimit për të sulmuar tregun,” tha Bill Russo, kreu i konsulencës me bazë në Shangai, Automobility Ltd. /tesheshi.com/
