Fotot e blogeres ukrainase të bukurisë Mariana Vishegirska duke u arratisur nga spitali i bombarduar i Mariupolit janë përhapur në mbarë botën.
Të nesërmen, Vishegirska lindi një vajzë të cilën e quajti Veronika.
Ajo u përshkroi gazetarëve se atë që përjetoi nga sulmi rus në spital.
“Ndodhi më 9 mars në spitalin 3 në Mariupol. Ishim shtrirë në pavijone kur shpërthyen xhami, korniza, dritare, mure.
Nuk e dimë se si ndodhi. Ne ishim në pavijonet tona, disa ia dolën të mbroheshin, disa jo”, tha ajo ndërsa Veronika e vogël ishte shtrirë pranë saj.
Blogerja u akuzua nga autoritetet ruse si një aktore e paguar pasi u fotografua e përgjakur në një maternitet në Mariupol pas shpërthimit.
Në fotot e bëra pas granatimeve të spitalit, Mariana po ikte me gjërat më elementare, e veshur me pizhame, fytyrë të përgjakura me barkun e fryrë dukshëm. Ndonëse më herët në profilin e saj në Instagram ka postuar foto nga të cilat duket qartë se është shtatzënë, fakti që ajo numëron 70 mijë ndjekës është dëshmi për rusët se ajo është një aktore që ka marrë pjesë në skenën e granatimeve të maternitetit.
Një postim në Twitter në të cilin ambasada ruse në Londër e akuzonte atë si aktore është fshirë që atëherë sepse shkel rregullat e Twitter-it.
Aty thuhej se blogerja ishte e grimuar dhe e mbuluar me gjak të rremë për ta bërë atë të dukej e plagosur. Ata shkruanin gjithashtu se ajo kishte veshur rroba të ndryshme për të krijuar përshtypjen se dy gra janë plagosur.
Fatkeqësisht ditën e djeshme u mësua se gruaja tjetër, e cila ishte me barelë, nuk mbijetoi dhe as foshnja e saj…/tesheshi.com/
