Arabia Saudite dhe tre shtete krah saj, nuk e kanë komentuar refuzimin e Katarit ndaj 13 kërkesave ultimative, si kusht për heqjen e embargos diplomatike dhe ekonomike, ku përfshihet edhe mbyllja e Al Jazeera-s, por i kanë dhënë dhe 48 orë kohë Doha-s për t’i pranuar ato. Përndryshe, paralajmërimi është se do ketë sanksione të tjera edhe më të ashpra.
Ky vendim e thellon dhe më tej krizën e Gjirit, nisur javë më parë.
Nga ana tjetër autoritetet e Katarit ka thënë se përgjigja zyrtare dhe e plotë, do t’i pëcillet këtë të hënë Kuvajtit, vendit ndërmjetës të krizës.
Një ditë më parë, kreu i diplomacisë së Doha-s, tha se kërkesat janë të papranueshme, pasi sipas tij marrëdhëniet mes shteteve nuk funksionojnë me ultimatume, porse nga ana tjetër ishte gati të angazhohej në dialog në kushte të përshtatshme. /tesheshi.com/
