Lumenjtë në Europë kanë pësuar ulje të nivelit të ujërave që ka bllokuar për ditë më radhë itineraret e anijeve turistike dhe atyre të transportit. Në Danub, në jug të Gjermanisë, lundrimi i anijeve është pezulluar përkohësisht për shkak se ka ngecur një anije rumune, e cila ndeshi në dunat ranore për shkak të uljes së nivelit të ujit.
Danubi është rrugë e rëndësishme e transportit të prodhimeve të naftës, si dhe e eksporteve të grurit nga Evropa lindore në Evropën perëndimore.
Autoritetet po përpiqen të ngrenë anijen për ta larguar atë nga rruga e lundrimit. Anija është bllokuar pranë qytetit Nideralltajh, që ndodhet rreth 80 kilometra në juglindje të Regensburgut.
Autoritetet kanë paralajmëruar se trafiku mund të jetë i ndërprerë deri më 13 gusht.
Por, e mira e lumenjve në Europë, thonë autoritetet është se niveli i ujërave të tyre mund të ndryshojë shpejt, sapo një sasi reshjesh të bjerë në zonë. /tesheshi.com/
