Ka nisur me trazira seanca parlamentare në Kuvendin e Shqipërisë ditën e sotme, ndërsa një grup deputetësh të opozitës kanë rrethuar foltoren dhe nuk kanë lejuar kolegët e tyre të mbajnë fjalën e radhës.
Opozita këmbëngul në dërgimin në Gjykatën Kushtetuese edhe të dy deputetëve Rakip Suli dhe Valentina Leskaj.
“Të zbatohet menjëherë vendimi për Gjykatën Kushtetuese të dy deputetët, zoti Suli që e ka kërkuar vetë, dhe zonja Leskaj. Çuat Koçon, çoni dhe dy të tjerët t’i vendosë gjykata. Nëse Gjykata i nxjerr të pafajshëm, i kërkojmë falje, por tua fshehim deputetët me forcën e kartonit është grusht shteti dhe në këtë formë ky Parlament nuk vazhdon punën e vet”, deklaroi deputeti Eduard Halimi. /tesheshi.com/
