Policia Kufitare ka bllokuar 6 shtetas sirianë dhe një shqiptar, të cilët kanë tentuar të kalojnë në mënyrë ilegale kufirin Kakavijë-Gjirokastër.
Policia bën me dije se shqiptari është akuzuar për “Dhënie ndihme për Kalim të paligjshëm të kufirit kundrejt shpërblimit”, ndërsa në Kakavijë, gjatë patrullimit në kufirin jeshil janë evidentuar nëpërmjet kamerave termike në vendin e quajtur “Mulliri”, poshtë Kakavijës, disa persona, të cilët kishin hyrë në mënyrë ilegale nga kufiri jeshil me Greqinë dhe po lëviznin në drejtim të Gjirokastrës.
Të gjithë këta persona janë shoqëruar ne Pikën e Kalimit Kufitar Kakavijë ku u intervistuan.
Nga procedurat e intervistimit rezultoi se 6 sirianët i kishte shoqëruar personi nga Delvina për të kaluar kufirin në mënyrë ilegale kundrejt shumës 300 Euro.
Menjëherë u bë arrestimi i 47-vjeçarit Zija Çollaku, ndërsa materialet i kaluan Prokurorisë së Rrethit Gjyqësor Gjirokastër për veprën penale “Ndihmë për kalim të paligjshëm të kufirit”. /tesheshi.com/
