Tre pako me armë luftarake që po kalon transit përmes Rinasit janë bllokuar nga policia. Policia bëri të ditur se armët e gjetura janë pjesë kallashnikovi.
Ngjarja ka ndodhur rreth orës 15:40, në pikën e kalimit kufitar Rinas.
“Në kuadër të masave të shtuara antiterror, si në mbarë shtetet europiane edhe Policia e Shtetit dhe organet ligjzbatuese vijojnë zbatimin e një plani të detajuar masash.
Kështu në datë 24.08.2017, ora 15:40, në PKK Rinas, nga punonjësit e kompanisë “ICTS”, gjatë skanimit të tre pakove të kompanisë postare “DHL”, tranzit janë konstatuar pjesë armësh luftarake.
Vazhdojnë hetimet për zbardhjen e kësaj vepre penale si dhe për identifikimin dhe kapjen e autorëve”, thuhet në njoftimin e policisë. /tesheshi.com/
