Për herë të parë, që kur nisën protestat studentore në Tiranë, policia ka vendosur që të procedojë disa sosh, aktivistë të forumeve rinore të PD-LSI, si dhe disa emra të njohur si prof. Edmond Tupja, këngëtari Robert Aliaj, e aktivistin civil Altin Goxhaj.
E gjitha kjo pas bllokimit të qarkullimit te Zogu i Zi të martën në mbrëmje.
Ka reaguar ashpërsisht kreu demokrat Basha, duke thënë se ata “ngritën zërin kundër qeverisë, të drejtë të cilën ja u ka dhënë Zoti dhe Kushtetuta dhe ka filluar procedimi penal për 25 qytetarë të lirë”.
Bie në sy protagonizmi i Robert Aliajt në këtë protestë. Ai nuk është marrë as me protagonizëm politik e as civil gjithë këto vite prej sa është kthyer në Shqipëri, pas një periudhe në emigracion. Ai bashkëpunon me Klan në spektakle televizive duke u prezantuar me një ekstravagancë të tepruar mashkullore me prirje femërore, siç janë thonjtë e lyer.
Ndryshe nga z.Tupe e Goxhaj, figura me protagonizëm publik, Aliaj u shfaq krejt papritur në protestën studentore në përkrahje të saj, edhe pse karriera nuk e lidh asgjëkundi me çështjet e arsimit të lartë. Për më tepër nuk është njohur kurrë si aktivist civil. /tesheshi.com/
