Përfaqësues të opozitës përmes një konferencë për mediat, kanë bërë të ditur se nuk do të lëshojnë pe pa u rikthyer dhe rishqyrtuar marrëveshjet e arritura.
Donika Kada-Bujupi, nga AAK ka thënë se normaliteti është në duart e dy partive të pozitës PDK-LDK, të cilat po marrin vendime të dëmshme për vendin.
“Ne nuk do të lëshojmë pe pa u rikthyer dhe rishqyrtuar marrëveshjet e arritura. Sot i bëjmë thirrje qeverisë që përmes diskutimit në parlament, rishqyrtimit dhe rikthimit të këtyre marrëveshjeve ta zhbllokojë punën në Kuvend”, ka thënë ajo.
Kurse, Glauk Konjufca nga Vetëvendosje tha se me bllokimin e sotëm të kryesisë dhe bllokimin që do t’u bëhet edhe më tej, seancave, opozita po përpiqet të theksojë se nuk do të ndalet në veprimet e saj.
“Nuk do të ndalemi deri në heqjen e nënshkrimit nga marrëveshjet e dëmshme për vendin”, ka thënë ai. /tesheshi.com/
