Duhet të ndodhte ajo që ndodhi mbrëmë në aksin Fushë Krujë – Milot që shteti të ndërhynte për të rregulluar rrugën në urën pranë fshatit Thumanë. Më saktë një urë tejet të amortizuar, e cila i bëri të përjetojnë një “vuajtje biblike” qindra drejtues automjetesh që mbetën në vend për orë të tëra, pa mundur dot të bëjnë as para e as pas, as djathtas e as majtas.
Vetëm për shkak të këtij vendi, për 4 orë rresht mbrëmjen e së enjtes pati një bllokim të pasakontë trafiku.
Kjo, edhe për shkak të fluksit të madh të automjeteve që shkojnë e vijnë për festat e fundvitit.
Por, fakti që sot është ndërhyrë për të mbushur gropat në rrugë, tregon se faji dhe përgjegjësia është e strukturave shtetërore që merren posacërisht me rrugët, të cilave as që u ndjen të jenë në shërbim të njerëzve.
Dhe si gjithnjë, duhet të ndodhë diçka e rëndë që të kujtohen për të ndërhyrë më pas. /tesheshi.com/
