Katër automjete të blinduara që ishin parkuan në garazhin e një pallati në zonën e “Komunës së Parisit” në Tiranë, mësohet të jenë sekuestruar në bodrumin e një pallati në kompleksin “Kika”.
Automjetet luksoze kapin shifrën e 1 milion euro, dhe se ka dyshime të forta se ato i përkasin anëtarëve të një grupi të njohur kriminal në Tiranë. Automjetet besohet se i përkasin një grupi kriminal në kryeqytet, ku disa prej anëtarëve të këtij grupi, momentalisht ndodhen në burg. Sipas burimeve të policisë së Tiranës, informacioni është marrë nga Shërbimi Informativ Shtetëror, agjentët e të cilit kanë mbajtur në mbikqyrje personat që posedonin këto automjete.
Mësohet se katër automjetet lukzose pak para se të niste operacioni “Vjeshtë 2017”, kanë qënë në qarkullim në rrugët e Tiranës dhe se sipas burimeve konfidenciale dyshohet se njëra nga automjetet, përdorej nga shtetasi. P. Serjani. Ndërkohë që tre automjetet e tjera,dyshohet se kanë qënë në përdorim nga anëtarët e një grupi kriminal, ku disa pjestarë të së cilit sot ndodhet në burg. Automjetet ishin fshehur brenda ambjenteve të një garazhi në kompleksin “Kika”, me shpresën ti shpëtonin valës së sekuestrimeve të operacionit “Vjeshtë 2017”.
Mirëpo një indicie e dhënë në polici nga Shërbimi Informativ Shtetëror, ka vënë në lëvizje policinë e kryeqytetit, e cila ka shkuar në ambjentet e kompleksit “Kika”. Mirëpo për hapjen e derës së garazhit, policisë i është dashur ndihmë e zjarrfikësve të Tiranës, të cilët kanë këputur qepenin e garazhit, dhe brenda tij janë gjetur katër automjetet luksoze të blinduara. Tre prej tyre janë të pa paisura me targa, ndërsa njëra është e paisur me targa ruse, dhe dyshohet se i përket shtetasit P.Serjani. Bëhet fjalë për dy “Mercedez-Benz” të blinduar dhe dy “Audi A8”, të cilët besohet se përdoreshin nga anëtarët e një grupi kriminal të njohur në Tiranë, shkruan Shqiptarja.com.
Dyshohet se janë të vjedhura në BE
Policia e Tiranës thotë se automjetet dyshohet se janë të vjedhura në vendet e Bashkimit Europian. Vlera e këtyre makinave shkon rreth 1 milionë euro dhe secila prej tyre mendohet se kushton më shumë se 200 mijë euro. Në njoftimin e saj policia nuk i bën të ditur pronarët e këtyre makinave, por thotë se ka referuar materialet në Prokurori, për veprat penale “Trafik i mjeteve motorike” dhe “Pastrim produktesh të veprës penale”.Sipas policisë bllokimi i këtyre makinave është bërë në kuadër të operacionit “Vjeshtë 2017”, për sekuestrimin e pasurive të grupeve kriminale. Burimet thanë se janë rreth 85 makina luksoze të bllokuara deri më tani në të gjithë vendin. Nga 85 makina që dyshohet se janë të trafikuar apo të blera me të ardhura nga krimi, 13 prej tyre janë të blinduara. Në total, vlera e 85 makinave të sekuestruara arrin më shumë se 6 milionë euro. Shumica e makinave të bllokuara janë në Tiranë dhe Shkodër, ndërkohë aksioni pritet të vijojë edhe në muajt në vazhdim. Burimet sqarojnë se dosjet për këto makina i kanë kaluar Prokurorisë dhe do të jetë gjykata, e cila do të vendosë për sekuestrimin përfundimtar të tyre.
Te Krimet e Rënda 50 çështje pasurie
“Shqiptarja.com” u interesua pranë Prokurorisë së Krimeve të Rënda lidhur me numrin e dosjeve që kishin mbëritur nga policia, për hetimin pasuror. Burimet thanë se bëhet fjalë për rreth 50 çështje të cilat janë në process verifikimi. Sipas përfaqësuesve të akuzës, në këto referime ka çështje që kërkojnë kohën e nevojshme, ndërkohë ka dhe dosje të tjera që nuk ja vlen të meresh me to, pasi e di se nga hetimet s’mund të dalë asnjë e dhënë financiare.
Automjetete
Automjet tip “Audi”, ngjyrë e zezë.
Automjet tip “Benz Mercedes”, ngjyrë e zezë.
Automjet tip “Audi”, ngjyrë e zezë.
Automjet tip “Mercedes Benz”, ngjyrë e zezë.
Automjeti me targë false /tesheshi.com/
