Vendasit britanikë në Kent, në juglindje të Anglisë, po ndihmojnë shoferët e kamionëve që prej ditësh janë bllokuar në autostradë në radhë të gjatë kilometrike, duke u dhënë sidomos ushqim.
Sipas Daily Mail, ata përdorin litarë për t’u dërguar produkte të ndryshme ushqimore, përfshirë fasule, fruta dhe ëmbëlsira . Shoferët e kamionëve presin për testet e koronavirusit përpara se të drejtohen në kontinent.
Ata mbetën në rrugë ndërsa Franca mbylli kufijtë e saj me Mbretërinë e Bashkuar të shtunën, pas zbulimit të një lloji të ri të koronavirusit në Britani.
Sipas Daily Mail, janë zbuluar vetëm tre raste të koronavirusit midis 2,364 shoferëve të testuar deri më tani.
Kujtojmë se një përvuajtje të ngjashme kaluan dhe dhjetra shtetas shqiptarë muaj më parë në Kakavijë. Rezidentë në Greqi, ata ju drejtuan tokës helene me automjetet e tyre mes kufizimeve pandemike, duke çuar në radhë ta gjata për gati katër ditë rresht, e gjitha nën diellin përvëlues të gushtit. Por veç ushtrisë, e cila shpërndau ushqim, ujë, deri dhe WC portative, pothuaj asnjë banor i zonës nuk u angazhua në akte vullnetarizmi me sfond humanitar ndaj atyre.
E gjithë drama u zhvillua “dy hapa larg” fshatrave të minoritetit. /tesheshi.com/
