Kreu i agjencisë së OKB-së për refugjatët palestinezë tha se Rusia, Kuvajti dhe nëntë vende evropiane kanë rënë dakord që të përshpejtojnë kontributet e tyre për të ndihmuar në plotësimin e një mungese të lënë nga vendimi i administratës Trump për të reduktuar në masë të madhe financimet ndaj tyre si shkak i qëndrimit kundër shpalljes së Jerusalemit-kyeqytet të Izraelit.
SHBA tha këtë muaj se do të mbante 65 milionë dollarë nga 125 milionë të planifikuara të dërgonte për 5.3 milionë palestinezë në të gjithë Lindjen e Mesme, përfshirë Gazën dhe Bregun Perëndimor.
Por Pierre Kraehenbuehl, Komisioneri i Përgjithshëm i Agjencisë së Ndihmës dhe Punësimit të OKB-së, tha se “fondet humanitare nuk duhet të kenë lidhje me politikën”.
Ndërkohë, Bashkimi Evropian dje njoftoi një paketë të re financimi prej 42.5 milion euro për të ndihmuar palestinezët të ndërtojnë shtetin e tyre të ri, sipas AP. Ajo përfshin mbështetje të konsiderueshme në Jerusalemin Lindor, të cilin palestinezët shpresojnë të bëjnë kryeqytetin e tyre të ardhshëm. /tesheshi.com/
